Som så ofte før blei ferien vår ei rundreise. Også denne gongen for å oppleva det som gjer livet godt å leva, nemleg fellesskap, kultur og natur. Og fellesskapen kom fyrst, både på den eine og den andre måten. Men i Vinje fekk Knut kombinert det med kultur ettersom han var vår representant då broren Harald fekk utdelt kulturpris. Stor stas, og her ser me VIP-bordet.
Eg hadde min eigen bror å feira så eg tok omvegen om godjenta i Stavanger. Ho er no blitt stor nok til å delta i oppvasken med liv og lyst. Dessuten var ho passe stor til å avslutta babysymjing, og eg fekk vera med!
Så kom turen til han som feirte 60 i Sandnes og som feira med stort kalas på Gamlaverket. Talane var mange og flotte, og presangar blei det også. Her viser han storesystra si eit instrument som visstnok skal bevisa at han verkeleg har gått så langt som han trur.
Rebekka blei gjerne med på tur dersom det vanka sjokolade av farmor.
For akeføret var heller dårleg.
![](https://blogger.googleusercontent.com/img/b/R29vZ2xl/AVvXsEhHBehZDwZgbIRebp_Q6Mfp85Bu1XNA5_fRDVNp9WFEfRVTIbKdHp1ytXUHaYJmgxDn44Nb6gwZS-Y8E1EK3pjOcQzC0s3Ey-X0JHD72EpAqayiKt2aFlatWP0u5Ltk4onp5efY/s320/askerp%25C3%25A5ske+003.jpg)
![](https://blogger.googleusercontent.com/img/b/R29vZ2xl/AVvXsEikNnKozdVRHKfpUmXNkbh8rrbTfH-XivpSznCjTXKampYRRbug7MY9j-7wiwAI3uMOadUscbnQBRPtF6-W-IoDwlV7NuSyeWsE4ooaEwaKeQmsOCRjcMCbda1Kk0FdilFCuQlg/s320/askerp%25C3%25A5ske+004.jpg)
![](https://blogger.googleusercontent.com/img/b/R29vZ2xl/AVvXsEjKpVYaEsdJcqzSQreW9Wdor1YTYu0rWKWs3GivMmnayIOQTLOLuRwO5OdmJssaYXe21jy6r-sLeEieK4HnLpn8x7iFUf_cQjsOCfjOSaoKRu21pWjFKN6MkS2ypyuv91tr_gKr/s320/askerp%25C3%25A5ske+011.jpg)
Så var det kvardagen igjen, men den er jo heller ikkje å forakta. Dessuten er det berre to arbeidsdagar før eg drar langt ut i verda på storbyferie. Det blir også bra!